Bakı polisinin AMEA ətrafına yığışma səbəbi - Rəsmi

09.09.2020 16:43     A-reaksiya

Bakı Şəhər Baş Polis İdarəsi (BŞBPİ) paytaxt ərazisində keçirilən aksiya ilə bağlı açıqlama yayıb.

Bu barədə Reaksiya.az-a BŞBPİ-nin Mətbuat xidmətindən məlumat verilib:

"Sentyabrın 9-da saat 15 radələrində 20-25 nəfər “Sərbəst toplaşmaq azadlığı haqqında” Azərbaycan Respublikası Qanununun tələblərini pozaraq, Səbail rayonundakı İstiqlaliyyət küçəsində şəhər İcra Hakimiyyəti ilə razılaşdırılmadan toplaşıb küçə yürüşü keçirməyə cəhd edib.

Ərazidə xidmətdə olan polis əməkdaşları tərəfindən qanunsuz küçə yürüşünə cəhdin qarşısı alınıb, iştirakçılar ərazidən uzaqlaşdırılıblar.

Saxlanılan və ya həbs edilən olmayıb".

Qeyd edək ki, bu gün polis və hərbi texnikanın AMEA inzibati binasını dövrəyə alması bəzi ehtimallara səbəb olmuşdu.

Reaksiya.az

Advertisement Banner

Şərhlər