Tanınmış diktora diaqnoz qoyuldu

25.02.2016 16:40     Artreaksiya     1377

Azərbaycanın tanınmış diktoru Sabir Ələsgərovun vəziyyəti ağır dəyərləndirilir, yuxuya meyillidir.  

Bunu Publika.az-a açıqlamasında Azərbaycan Tibb Universitetinin Tədris Terapevtik Klinikanın baş həkimi Ramin Bayramov deyib.  

R.Bayramov bildirib ki, S.Ələsgərov ötən gün xəstəxananın ümumi terapiya şöbəsinə yerləşdirilib. Analizlər aparılandan sonra  onun reanimasiya şöbəsinə yerləşdirilməsi barədə qərar qəbul edilib:  

“Aparılan analizlərdən sonra onun vəziyyətinin ciddi olduğu məlum olub. Ailəsinin sözlərinə görə, Sabir Ələsgərovda bir il əvvəl narahatlıqlar müşahidə edilib. Onda ürəkbulanma olub, ət məhsullarından imtina edib. Ailə Mərkəzi Neftçilər Xəstəxanasına müraciət edib. Orada müalicə edilib. Bir neçə gün əvvəl isə onda öskürək, təngnəfəslik olub. Klinikamıza müraciət edəndən sonra müayinə edilib, ona intensiv terapiya tətbiq edilir. Qan göstəriciləri və təzyiqi aşağıdır. Həkimlərimizin keçirdiyi konsilium əsasında Sabir Ələsgərova xroniki böyrək çatışmazlığı diaqnozu qoyulub. Həmçinin qanazlığı var, böyrək probleminə görə qanında kreatinin miqdarı yüksəlib. Hələ ki dializ tətbiq edilməsinə ehtiyac duymuruq. Hazırda klinikamızda fasiləsiz böyrək əvəzedici cihaz var, həmin cihazla böyrək problemini aradan qaldırmağa çalışırıq. Həmin cihaz dializdən daha yaxşıdır”.  

R.Bayramov Sabir ƏIəsgərovun vəziyyətinin nəzarət altında olduğunu bildirib. 

Şərhlər