Dünya silkələndi: Eyni anda müxtəlif ölkələrdə güclü zəlzələlər oldu
14.01.2018 14:43 Dünyadan reaksiya 1454
Saat 13:18-də Peru sahillərində, 13:19-da Əfqanıstanda güclü zəlzələ olub
Bu gün Bakı vaxtı ilə saat 13:00 radələrində dünyanın müxtəlif yerlərində güclü zəlzələlər qeydə alınıb. Eyni anda dünyanın əkz istiqamətlərində yerləşən Peru və Əfqanıstanda yeraltı təkanlar qeydə alınıb.
Bakı vaxtı ilə saat 13:18-də Peru sahillərində 7.3 bal gücündə zəlzələ olub. Təkanlar Akari yaşayış məntəqəsindən 31 kilometr cənub-qərbdə və Yauka şəhərinin 19 kilometrliyində 10 kilometr dərinlikdə qeydə alınıb.
Hələlik ölənlər və yaralananlar barədə heç bir məlumat yoxdur.
Cəmi 1 dəqiqə sonra — Bakı vaxtı ilə 13:19-da Əfqanıstanın şimal-şərqindəki Carm yaşayış məntəqəsindən 42 kilometr cənubda 5,3 bal gücündə zəlzələ olub. Zəlzələ 204 kilomtr dərinlikdə olub.
Şərhlər