Paşinyan repressiyaya başladı: - növbədə kimlərdir?

20.06.2018 13:51     Dünyadan reaksiya     808

Ermənistan Milli Təhlükəsizlik Xidməti Manvel Qriqoryanın həbsindən sonra fəaliyyətini daha da aktivləşdirməyi planlaşdırır.

Bu barədə məlumatı “Qraparak” qəzeti yayıb. Qəzet bu dəfə Paşinyan hökumətinin hədəfində Respublika Partiyasının üzvləri Qagik Xaçaturyan və Taron Markaryanın olduğunu bildirib:

“Lakin hökumət hələlik Markaryanla bağlı addım atmaq fikrində deyil. Belə ki, daxili sorğu keçirən hökumət Markaryanın hələ də ölkədə böyük nüfuzunun olduğunu müşahidə edib. Buna görə də Paşinyan növbədənkənar seçkiyə qədər Respublika Partiyasının son ümidi olan Markaryandan canını qurtarmaq istəyir.

Lakin Paşinyan bununla da kifayətlənmir. O, Qagik Çarukyanı da növbəti seçkidə öz ambisiyalardan əl çəkməyə razı salmağa çalışır. Hökumət əks təqdirdə Çarukyanın da iqamətgahına Milli Təhlükəsizlik Xidmətinin gələcəyini deyir”.

Qeyd edək ki, bundan öncə erməni deputat və general Manvel Qriqoryan həbs edilib. O, qanunsuz silah dövriyyəsində ittiham olunub. Manvel Qriqoryanın oğlu Karen Qriqoryan isə Eçmiədzin meri vəzifəsindən istefaya məcbur edilib.

Paşinyan xüsusilə Taron Markaryan istiqamətində fəaliyyətini aktivləşdirib. İrəvan meri Markaryan hökumətin bütün təzyiqlərinə rəğmən hələ də vəzifəsindən istefaya getməyib. Paşinyan hökuməti son olaraq Markaryanı istefaya məcbur etmək üçün onun rəhbəri olduğu İrəvan Fonduna qarşı cinayət işi qaldırıb və burada yoxlamalara başlayıb.

Ermənistan mətbuatının iddiasına görə, Paşinyan sentyabra qədər ölkədə növbədənkənar parlament seçkisi keçirməyə çalışır.

Reaksiya.az

Şərhlər