Köçəryandan şok: Seçkidə iştirak edəcəyəm

Ermənistanın eks-prezidenti Robert Köçəryan növbədənkənar parlament seçkisində iştirak edəcək.

Reaksiya.az xəbər verir ki, bu barədə məlumatı Köçəryan “Sputnik Ermənistan”a müsahibəsində deyib.

“Əgər mən siyasətə qayıtdığımı elan etmişəmsə, o zaman seçkidə də iştirak edəcəyəm. Hələlik seçkidə hansı formatda iştirak edəcəyimi bəyan etmək tezdir.

Əgər biz siyasi dəstəkdən danışırıqsa, o zaman mənim üçün ilk növbədə önəmli olan prezidentlik dönəmimi xatırlayan şəxslər olacaq. Siz bilirsiniz ki, həmin 10 il ərzində ölkənin bütün görünüşü necə dəyişmişdi”, - o bildirib.

Köçəryan müsahibəsi zamanı yenidən müxalifətin lideri olmağa iddialı olduğunu söyləyib. O, gələcəkdə Respublikaçılar və Çiçəklənən Ermənistan partiyalarının da onu müdafiə edə biləcəyini qeyd edib.

Köçəryan, həmçinin, həbsdən çıxdıqdan sonra Serj Sərkisyanla da görüş keçirdiyini, söhbət zamanı siyasi əməkdaşlıq məsələsinin müzakirə edilmədiyini vurğulayıb.

 

Advertisement Banner

Şərhlər