Rusiya bu tarixdə Ukraynaya müdaxilə edəcək - Ağ Ev

15.01.2022 13:34     Dünyadan reaksiya     278

Bizdə məlumat var ki, Rusiya Ukraynanın şərqində yanıltma əməliyyatları aparmaq üçün bəzi agentlərini əvvəlcədən bölgəyə yerləşdirib.

Bunu Ağ Ev sözçüsü Cen Psaki deyib.

Psaki Rusiyanın bu əməliyyatları Ukraynanın işğalına zəmin hazırlamaq üçün planlaşdırdığını iddia edib:

“Biz bunu 2014-cü ildən əvvəl də görmüşük. Bunlara təxribat aktları və Ukraynanın Rusiya qüvvələrinə hücum etməyə hazırlaşması kimi ittihamlar daxildir”.

Ağ Ev sözçüsü eyni zamanda iddia edib ki, Rusiya ordusu yanvarın ortaları ilə fevralın ortaları arasında Ukraynaya müdaxilə edə bilər.

Qeyd edək ki, analoji fikirləri Pentaqon sözçüsü Con Kirbi də səsləndirib.

Reaksiya.az