Ermənistanda daşnak terrorçunun heykəlini sökəcəklər?

21.01.2022 12:42     Dünyadan reaksiya     124

Ermənistanda, Maralikdə şəhərin mərkəzində yerləşən Soğomon Tehleryanın heykəlini sökməyə hazırlıq tədbirlərinin görülməsi barədə söz-söhbətlər gəzir.

Bu barədə Ermənistanın “Hraparak” nəşri yazıb.

“Parlamentinin keçmiş deputatı Sofya Hovsepyan da öz növbəsində “Facebook” sosial şəbəkəsində xəbərlərə istinad edərək yazıb: “Hakimiyyətə tələb: bu xəbərin doğruluğunu təkzib edin və ya təsdiqləyin. Əvvəlcədən deyim ki, inanıram ki, sizdə bu etməkyə böyük həvəs olacaq, lakin sonradan müxtəlif manipulyasiyalara əl atmamağınız üçün bu barədə çox birbaşa mətnlə danışın”. Daha əvvəl müsahibələrinin birində keçmiş deputat Naira Zöhrabyan bildirib: “Üç gündən bir mənə “Facebook”dan xəbərdarlıq gəlir ki, belə şeylər yazmağa haqqım yoxdur. Avropalı həmkarlarımdan dəqiq məlumatım var, təkid edirəm, yaxın aylarda Soğomon Tehleryanın Maralikdəki heykəlinin söküləcəyi ilə bağlı hər kəslə mərcə girməyə hazıram. Narahatlığımı “Facebook” vasitəsilə bildirməyə çalışdım, yarım saat sonra xəbərdarlıq aldım və yazım bağlandı”. Maralik camaat çaş-baş qalıb. Şayiələr haradan gəlir? Bəziləri düşünür ki, problem heykəldə deyil. Bu, sadəcə diqqəti yayındıran mövzudur”, - deyə müəllif yazıb.

“Sabah deyəcəklər ki, heç bir heykəl götürülmür, heykəldən narahat olan kütlə bundan əvvəlki üç anti-erməni bəndin Türkiyəpərəst iqtidar tərəfindən qəbul olunduğunu bilmədən məmnun və xoşbəxt qalacaq”, - deyə erməni sakinlər qeyd ediblər.

Xatırladaq ki, Soğomon Tehleryan daşnak terrorçu olub, 1921-ci il martın 15-də Osmanlı İmperiyasının keçmiş sədrəzəmi Tələt Paşaya qarşı sui-qəsd hazırlayıb və onu öldürüb.
 

Şərhlər