Moskvada Qələbə Paradı keçirilir

09.05.2022 11:20     Dünyadan reaksiya     169

Moskvanın Qızıl Meydanında Böyük Vətən Müharibəsində Qələbənin 77-ci ildönümü şərəfinə parad başlayıb.

Reaksiya.az TASS-a istinadən bildirir ki, Qırmızı Meydanda paraddan əvvəl ənənəvi olaraq bu sözlər səsləndirilib: Diqqət, Moskva danışır və göstərir, Qızıl Meydanı dinləyir və seyr edir. 1941-1945-ci illər Böyük Vətən Müharibəsində Qələbənin 77-ci ildönümü münasibətilə Qələbə paradı.

“Müqəddəs müharibə” mahnısının sədaları altında Preobrajenski alayının fəxri qarovul batalyonunun bir qrupu Rusiya bayrağını və Qələbə bayrağını meydana gətirib. Söhbət 150-ci İdritskaya diviziyasının əsgərləri tərəfindən Reyxstaqın üzərində qaldırılan qırmızı bayraqdan gedir.

 

Mərkəzi tribunada Rusiya prezidenti Vladimir Putin, veteranlar və tədbirin qonaqları əyləşib.

Quru Qoşunlarının Komandanı, ordu generalı Oleq Salyukov parada rəhbərlik edir və onu Rusiyanın müdafiə naziri Sergey Şoyqu qəbul edir.

Nazirin parada hazırlıqla bağlı məruzəsindən sonra dövlət başçısı ölkənin baş meydanının tribunasından ruslara müraciət edəcək.

Reaksiya.az

Şərhlər