8 yaşlı Şölənin atası prokurorluğa dəvət olundu

21.10.2017 19:36 Sosreaksiya 1741

Xəbər verdiyimiz kimi, 17 oktyabr 2017-ci il tarixində Akademik M.A.Topçubaşov adına Elmi-Cərrahiyə Mərkəzinində həkim səriştəsizliyi ucbatından dünyasını dəyişən 8 yaşlı Şölənin ölümü ilə bağlı ailəsinin iddiasına əsasən Yasamal rayon prokurorluğunda cinayət işi qaldırılıb.

Bu gün Şölə Kərimovanın atası Sübhan Kərimov prokurorluğa çağırılıb və ondan izahat alınıb.

Kərimovun Reaksiya.az-ın əməkdaşına verdiyi məlumata əsasən o, prokurorluq nümayəndəsinin suallarını cavablandırıb. Kərimov bildirib ki, Azərbaycan dövlətinin qanunlarına, Şölənin ölümündə günahkar olanların cəzalandırılacağına inanır.

Qeyd edək ki, böyrək çatışmamazlığından əziyyət çəkən 8 yaşlı Kərimova Şölə Sübhan qızı katater qoyulması üçün əməliyyat aparıması öncəsi anestezloqun verdiyi narkozdan sonra həyatını itirib.