Silah satışına görə lider ölkələr - SİYAHI

27.12.2015 13:20     Maraqlı     2303

ABŞ Konqresi yanında Təhqiqat Xidməti ölkələrin 2014-cü ildə silah ixracatına dair hesabatını açıqlayıb.

"Reaksiya"nın APA-ya istinadən verdiyi məlumata görə, ixracatçı ölkələrin siyahısına ABŞbaşçılıq edir.

ABŞ 2014-cü ildə silah ixracatından gələn gəlirini təqribən 10 milyard dollar artıraraq 36,2 milyard dollara çatdırıb (2013-cü ildə 26,7 milyard dollar).

Gəlirin artmasına Qatar, Səudiyyə Ərəbistanı və Cənubi Koreya ilə imzalanmış iri müqavilələr səbəb olub. ABŞ bu göstərici ilə dünya silah bazarının 50 faizinə nəzarət edir. 

Siyahıda ikinci yerdə Rusiya Federasiyası gəlir. Şimal qonşumuz 2014-cü ildə silah satışından 10,2 milyard dollar gəlir əldə edib (2013-cü ildə 10,3 milyard dollar).

Üçüncü yerdə İsveç (5,5 milyard dollar), dördüncü yerdə Fransa (4,4 milyard dollar), beşinci yerdə isə Çin gəlir (2,2 milyard dollar).