Ən böyük McDonald's bağlandı

02.01.2016 21:40     Maraqlı     2347

Dünyada ən böyük, ABŞ-ın Orlando (Florida ştatı) şəhərinin yaxınlığındakı McDonald's restoranı qapılarını müştərilərinin üzünə bağlayıb.

“Reaksiya” milli.az-a xəbər verir ki, həmin restoran 1976-cı ildə, məşhur "Disneylend" əyləncə parkının yanında açılmışdı və böyüklüyünə görə tanınırdı. Görünüşcə fri-kartofunun karton qutusunu xatırladan binada həmçinin boulinq zalı, buz meydançası və oyun avtomatları olan əyləncə mərkəzi də vardı.

McDonald's nümayəndələri bildiriblər ki, bağlanan restoranın yerində yenisi, daha böyüyü tikiləcək. 1750 kv.m sahəyə malik yeni restoran bu ilin fevralında açılacaq.

1940-cı ildə yaradılan McDonald's şirkəti dünyada eyniadlı fast-fud restoranlar şəbəkəsinə malikdir. Onun baş qərargahı Ouk-Bruk şəhərində (İllinoys ştatı) yerləşir. 2014-cü ildə şirkətin illik gəliri 27 mlrd dollar olmuşdu.

Şərhlər