Qızla oğlan əl-ələ tuta bilməz - Türkiyədə qadağa

05.01.2016 15:42     Maraqlı     2890

Türkiyənin ali dini qurumu olan Diyanət Vəqfi bildirib ki, nişanlı cütlüklər əl-ələ gəzə, eləcə də nişanlı olduqları müddətdə birlikdə uzun zaman keçirə bilməzlər.

“Reaksiya"  azadliq.org-a istinadən xəbər verir ki, Diyanət Vəqfi verdiyi qərarı belə əsaslandırıb: “Cütlüklərin valideynlərin icazəsiylə, yaxud onlardan xəbərsiz görüşməsi arzuolunmaz insidentlərə – eşqbazlığa, birgə yaşayışa, yaxud bir-birilə baş-başa qalmağa yol aça bilər. Bu isə söz-söhbət yaradır. İslam əl-ələ tutmağı da qadağan edir”.

Qurum cütlükləri nişanlı olduqları müddəti İslam normalarına uyğun başa vurmağa çağırır, həmçinin onları rəsmi nikah kəsilmədən kəbinlə yaşamaqdan çəkindirir.
Daha öncə Diyanət Vəqfinin tualet kağızından istifadə, alkoqollu məhsullarla bağlı qərarları mübahisə doğurub.