Azərbaycanda müxalifət partiyası qurultayına YAP-ı dəvət edib
24.05.2017 23:06 Siyasi reaksiya 1485
Vətəndaş və İnkişaf Partiyasının (VİP) mayın 28-də keçirələcək qurultayına hökumət rəsmiləri, ictimai-siyasi şəxslər, o cümlədən hakim Yeni Azərbaycan Partiyasının (YAP) nümayəndələri dəvət edilib.
Bu barədə "Report" VİP sədri Əli Əliyev məlumat verib.
O bildirib ki, növbəti dəfə də partiyanı idarə etməyə iddialıdır: "Partiyada hələ ki, sədrliyə namizədliyini irəli sürən şəxs yoxdur. İstənilən partiya üzvü namizədliyini irəli sürə bilər. Burada qadağa yoxdur".
Qeyd edək ki, 28 may 2017 - ci il tarixdə saat 11:00 - dan başlayaraq baş tutacaq qurultay "Beynəlxalq Mətbuat Mərkəzi"ndə (BMM) keçiriləcəkdir.
Şərhlər