Azərbaycan Xalq Cümhuriyyətinin 100 illiyinə həsr olunmuş eksklüziv poçt markaları buraxılacaq
12.02.2018 12:58 Siyasi reaksiya 2223
Bakı. Hüseyn Vəliyev :
“Azərmarka” MMC Azərbaycan Xalq Cümhuriyyətinin (AXC) 100 illiyinə həsr olunmuş eksklüziv poçt markaları seriyasını buraxacaq.
Bunu Trend-ə şirkətin direktoru Leyla Güləliyeva deyib.
Onun sözlərinə görə, markalar məhdud sayda buraxılacaq və AAXC-nin yaranmasının 100 illiyinə həsr olunmuş sərgidə təqdim olunacaq: “Biz həmçinin Novruz bayramına həsr olunmuş tematik markalar buraxmağı planlaşdırırıq. Üç markadan ibarət blokun buraxılışı nəzərdə tutulur ki, onlar da açıq satışa çıxarılacaq”.
L.Güləliyeva xatırladıb ki, ötən ilin sonunda “Azərmarka” tematik markaların yer aldığı “Azərbaycan” kitabını nəşr etmişdi.
Şərhlər