Bu gün Moskvada Azərbaycan və Ermənistan nümayəndələri görüşə bilər

30.08.2022 13:12     Siyasi reaksiya     170

Bu gün Moskvada Azərbaycan-Ermənistan sərhədinin delimitasiyası və demarkasiyası üzrə ikitərəfli dövlət komissiyasının ikinci görüşünün keçirilməsi gözlənilir.

Reaksiya.az xəbər verir ki, bu barədə məlumatı Ermənistan mediası yayıb.

Qeyd edək ki, komissiyanın Azərbaycan tərəfdən həmsədri Azərbaycan Baş nazirinin müavini Şahin Mustafayevdir. 24 may 2022-ci il tarixində, əldə edilmiş razılaşmaların həyata keçirilməsi çərçivəsində və iki ölkənin müvafiq sərəncamları əsasında Şahin Mustafayev və Ermənistan Baş nazirinin müavini Mqer Qriqoryan arasında Ermənistan-Azərbaycan dövlətlərarası sərhədində komissiya çərçivəsində ilk görüş keçirilib.

Tərəflər delimitasiya və digər məsələlər üzrə Komissiya çərçivəsində işləməyə hazır olduqlarını təsdiq ediblər.

Reaksiya.az

Şərhlər