Eldar Mahmudovun əmisi oğlunun ofisindəki görüş, çökdürülən nəhəng şirkət, ölkədən çıxarılan milyonlar...

15.01.2017 16:44     Sosreaksiya     993

 

Nəhəng şirkətin sahibləri arasında yaranan problemlər onları “MTN çetesi”nin yuvasına aparıb. Şəriklərin bir-birindən şikayətindən istifadə edən maskalılar hər iki tərəfin “dərisini soyub”. Əvvəlki epizodlarda olduğu kimi təkcə pullarını almayıblar. Hətta şirkətin bir hissəsini özəlləşdirməyə çalışıblar.
 
“MTN mafiyası”nın zərərçəkmişlərindən biri də “Techmarine LTD” MMC-nin təsisçisi Arif Həsənovdur. Şirkət 1996-ci ildə təsis edilib və gəmi təmiri ilə məşğul olub. 
 
Musavat.com xəbər verir ki, zərərçəkmiş Həsənov istintaqa ifadəsində deyib ki, sonradan Səhrab Allahverdiyevlə şərik oldub və şirkətin 50%-ni ona satıb.
 
Onun sözlərinə görə, MMC-nin bank hesabı son 5-6 ildə Beynəlxalq Bankın “Qaradağ” filialında olub. MMC-nin əsasnaməsinə görə, bütün bank əməliyyatları yalnız onun imzası ilə həyata keçirilib. A.Həsənovun şikayətindən görünür ki, onun MTN-lə problemləri şəriki Səhrab Allahverdiyevlə bağlı yaranan şübhələri ilə başlayıb.
 
Offşor şirkətlərə köçürülən milyonlar
 
Sahibkar ifadəsində deyib: “Şərikimin dəbdəbəli həyat yaşadığını görüb şübhələnməyə başladım. 2013-cü ildən başlayaraq şirkətin bağladığı müqavilələr üzrə sənədləri yoxladım. Müəyyən etdim ki, Səhrab razılığım olmadan şirkətin vəsaiti hesabına işlər görməklə 6 milyon 200 min dollar məbləğində pulu Estoniya və Latviyadakı banklara, offşor şirkətlərin hesablarına köçürüb. İngiltərənin offşor zonasında “Techmarin AS LTD” adlı şirkət təsis edib. Şirkətimin adındakı oxşarlıqdan istifadə edib, sifarişçilərlə iş görüb. Digər qanunsuz əməllərlə Səhrab Allahverdiyevin şirkətə 6 milyon 200 min dollar ziyan vurması sənədlərlə təsdiq olundu. Həmin sənədləri istintaqa da təqdim etmişəm”. 
 
Şərikinin əməllərindən MTN-ə şikayət edərək milyonlarını geri almaq istəyən A.Həsənov özü maskalıların qurbanı olub. Belə ki, A.Həsənov bildirib ki, S.Allahverdiyevdən pulunu tələb edəndə hədələnib: “Səhrab məni və oğlumu tutduracağını dedi. 2014-cü ilin dekabr ayında “Neftmaşınqayırma” MMC-nin direktoru, tanışım Asif Bədəlovla görüşəndə MTN-də əlaqələrinin olduğunu dedi. Asif dedi ki, bu barədə MTN generalı Fizuli Əliyevə müraciət edim. Sonradan başıma gələnlərdə Asif Bədəlovun iştirakının və rolunun nədən ibarət olduğunu dəqiq bilmirəm. Asiflə yaxın dostluq münasibətimiz də olmayıb. Onun Fizuli Əliyevlə nə kimi əlaqələrinin olduğunu deyə bilmərəm. 2015-ci ilin yanvar ayının əvvəlində Asif məni MTN-nin yaxınlığındakı “Sultan” kafesinə çağırdı. Ora gedəndə Fizuli Əliyev, Natiq Alıyev, Zaur Məmmədov və Asif Bədəlovu gördüm. Onlara Səhrabın cinayət əməlləri barədə məlumat verdim, sənədləri təqdim etdim. Yanvarın ortalarında Zaur Məmmədov zəng edib, Fizuli Əliyevin “Sultan” kafesində məni gözlədiyini dedi”.
 
Dostun dərd gətirən məsləhəti...
 
Sahibkar bu görüşə gedəndə gözlədiklərinin əksi ilə qarşılaşıb. Onun sözlərinə görə, Fizuli Əliyev çatan kimi ona “Bütün günah səndədir, səni də, oğlunu da tutacağıq. Sabaha qədər 400 min pul gətir” deyib: “Bu görüşdən bir neçə gün sonra şirkətin ofisinə Fizuli Əliyev, Natiq Alıyev, Zaur Məmmədov, Akif Əliyev və bir neçə MTN əməkdaşları gəldilər. Ofisdə oğlum Həsən, Səhrab, baş mühasib Mətanət Allahverdiyeva və digər işçilər var idi. Baş mühasibin kompüterini, MMC-nin çek kitabçasını və digər maliyyə sənədlərini götürdülər. Müşahidə kamerasını da apardılar. Oğlumu, Səhrab Allahverdiyevi və məni MTN-ə apardılar. Gecə saat 11-də onları buraxdılar. Mən orada qaldım. Fizuli Əliyevin hərəkətlərindən və dediklərindən başa düşdüm ki, onlar Səhrab Allahverdiyevi müdafiə edirlər.
 
Mənəvi olaraq çox böyük təzyiq gördüm. Sonra pul tələb edildi. İstənilən 400 mini evdən götürərək “Sultan” kafesində Fizuli Əliyevə verdim. Orada Fizuli Əliyev dedi ki, “Bankda nə qədər pulun var?” Beynəlxalq Bankın “Qaradağ” filialındakı depozit hesabımda 100 min manat, “Azəriqazbank”da da həyat yoldaşımın adına 100 min dollar olduğunu dedim. Fizuli Əliyev “Gözlə burda, gələcəklər onlarla danışarsan” deyib kafedən getdi. 15-20 dəqiqədən sonra Akif Əliyev gəldi. Bankdan pulları çıxarıb ona verməyimi tələb etdi. Etiraz etdim. Səhər oğlumla MTN-ə gəlməyimi istədi”.
 
“Qurban” maskalılar arasında əl dəyişir 
 
MTN generalı Fuzli Əliyevdən sonra Arif Əliyevin caynağına keçən sahibkardan ofisi və 130 min manat tələb olunub: “Akif Əliyev şirkətin balansında olan ofisi Səhrab Allahverdiyevə verməyimi, əlavə olaraq isə ona 130 min ödəməyimi istədi. Bundan sonra Akif Əliyevin dediyi ilə razılaşıb və istənilən məbləği və ofisi onlara verdim”.
 
Sahibkar deyir ki, bundan sonra da MTN-nin təzyiqləri dayanmayıb: “MMC-nin əsas fəaliyyəti ilə məşğul olmasına imkan vermədilər. Müqavilə bağladığımız sifarişçiləri MTN-ə çağırıb bizimlə işləməməyi tapşırırdılar. Əvvəllər şirkətimiz “Topaz Marine” şirkəti ilə əməkdaşlıq edirdi. Sonradan onlar Səhrab Allahverdiyevin “Delta ASM” şirkəti ilə işləməyə başladılar”.
 
Eldar Mahmudovun əmisi oğlu...
 
Şahid qismində “Qaradağ maşınqayırma” ASC-nin idarə heyətinin sədri Asif Bədəlov da ifadə verib. A.Bədələov ifadəsində göstərib ki, Səbail Rayon Polis İdarəsinin rəisi olmuş İlqar Mahmudovla (İ.Mahmudov Eldar Mahmudovun əmisi oğludur. Sabiq nazir postunu itirdikdən sonra o da işdən azad edilib) uzun müddət şəxsi münasibətləri olub: “2014-cü ilin sonunda İlqar Mahmudovun otağında öz işimlə bağlı görüşmüşdük. MTN əməkdaşı Fizuli Əliyevlə də orada tanış oldum. 10-15 dəqiqə bir otaqda oturub ümumi söhbətlər etdik. Mən Fizuli Əliyevə öz telefon nömrəmi verdim, o da mənə. Həmin dövrdə Arif Həsənovla da tanış olub müəyyən bir iş görmək istədim. Bir neçə dəfə görüşdük. Aramızda dostluq münasibətləri yarandı. Bir-iki dəfə onun bikef olduğunu görüb səbəbini soruşdum. Şəriki ilə müəyyən maliyyə problemlərinin olduğu barədə qısa danışdıq. Mən də şərikinin qanunsuz fəaliyyəti ilə bağlı MTN-ə müraciət etməsini, Fizuli Əliyevin ona kömək edə biləcəyini dedim. Mən Fizuli Əliyevə zəng elədim. Birlikdə “Sultan” kafesində görüşüb danışdıq. Sonra onlar mənim iştirakım olmadan görüblər. 2015-ci ilin yanvar ayında Arif Həsənovla əlaqəm kəsildiyindən sonra baş verənlərdən xəbərim yoxdur”.
 
Şərikin xilas planı
 
Zərərçəkmiş qismində “Techmarine LTD” MMC-nin baş texniki meneceri, Arif Həsənovun oğlu Həsən Həsənov da tanınıb. O da istintaqa atası kimi eyni məzmunda ifadə verib. Və əlavə edib ki, MTN-də baş verən həbslərdən sonra şərikləri Səhrab Allahverdiyev onu öz ofisinə dəvət edib. Həsən Həsənov deyib ki, S.Allahverdiyev onlarla barışıq istəsə də razılaşmayıb.
 
Şahid qismində “Techmarine LTD” MMC-də 50 faiz pay sahibi olmuş Səhrab Allahverdiyev də ifadə verib. O, uzun müddət Xəzər Gəmiçiliyində baş mühəndis vəzifəsində işlədiyini orada Arif Həsənovla tanış olduqdan sonra 8 təsisçi ilə “Techmarine LTD” MMC-ni təsis etdiklərini deyib.
 
Uzun müddət şirkətdə işlərin yaxşı getdiyini, Arif Həsənovla heç bir problemlərinin olmadığını deyən S.Allahverdiyev şəriki ilə münasibətlərinin korlanmasında onun oğlu Həsən Həsənovu günahkar kimi göstərib. O, deyib ki, 2013-cü ildə heç bir əsas olmadan şirkətin müdiri Arif Həsənovun oğlu Həsən Həsənov bəzi hərəkətləri ilə onların arasındakı münasibətləri pisləşdirib.
 
İstintaqda məlum olub ki, ilk şikayəti S.Allahverdiyev Arif Həsənovdan edib. Belə ki, S.Allahverdiyev Hərbi Prokurorluğa müraciət edərək Arif Həsənovu maliyyə fırıldaqları etməkdə günahlandırıb. S.Allahverdiyev də MTN-nin zərərçəkmişi olduğunu deyir. Onun sözlərinə görə, 2015-ci il yanvarın 16-da tanımadığı nömrədən zəng gəlib və özünü MTN əməkdaşı kimi təqdim edən Fizuli Əliyev onu nazirliyə çağırıb.
 
MTN-ə gələrkən Fizuli Əliyev ona deyib ki, Arif Həsənov ondan şikayətçidir. S.Allahverdiyev MTN-də olarkən ona qarşı irəli sürülən ittihamları rədd edib. O, həmçinin keçmiş şəriki Arif Həsənovla üzləşdirilib. Üzləşmə zamanı tərəflər bir-birini günahlandırıb.
 
Şərikin MTN-lə əlaqələri
 
S.Allahverdiyev ifadəsində deyib ki, Fizuli Əliyev ona hədə-qorxu gələrək telefon danışıqlarının bir aydan çoxdur, dinlənildiyini və şirkətin külli miqdarda pul vəsaitlərini ələ keçirdiyini söyləyib. 
 
Ardınca da S.Allahverdiyevdən 1 milyon manat tələb edilib: “Bu qədər pulumun olmadığını dedim. Sonra 500 min istədi. Yenə də razı olmadım. Fizuli Əliyev Arif Həsənovdan 200 min aldıığını məndən isə 500 min alacağını söylədi. Bir müddət sonra yenidən MTN-ə çağırıldım və Fizuli Əliyev Arif Həsənovdan ayrılmağımı tələb etdi. Mən də razılaşdım. Sonra MTN əməkdaşı Akif Əliyev zəng edərək MMC-nin fəaliyyətinin nədən ibarət olduğunu soruşdu”.
 
S.Allahverdiyev istintaqda etiraf edib ki, MTN əməkdaşı olan Arif Əliyevlə görüşərkən şirkətdə aparılan audit yoxlamasının nəticələrinin Arif Həsənovun xeyrinə olmasına imkan verməməsini xahiş edib. Tez-tez MTN əməkdaları ilə görüşməsini etiraf edən S.Allahverdiyev hər dəfəsində “Techmarine LTD” MMC-nin fəaliyyəti ilə bağlı onları məlumatlandırdığını söyləyib. Şirkətin əmlakının bölüşdürülməsi təklifini Fizuli Əliyevdən aldığını deyən S.Allahverdiyev bununla razılaşıb.
 
Adı bu epizodda çəkilən MTN-nin Energetika və Nəqliyyat Sahələrində  Təhlükəsizlik Baş idarənin 2-ci idarəsinin sabiq rəisi Akif Əliyev də dindirilib. O, rəisi Akif Çovdarovdan şirkətlə bağlı nazirliyə şikayət daxil olması haqda məlumat aldığını, bu işi digər MTN zabitləri Fizuli Əliyev və Natiq Alıyevin araşdırdığını deyərək, sahibkarların incidilməsi və baş verən proseslərdən xəbərinin olmadığını qeyd edib.
 
Bu epizodla bağlı diqqəti çəkən bir məqam da istintaqın şəriklərdən S.Allahverdiyevlə bağlı gəldiyi nəticədir. Belə ki, istintaq S.Allahverdiyevin MTN zabitləri ilə əlbir olmasını istisna etmir və onun əməllərinə də hüquqi qiymət veriləcəyi bildirilir.
 
 
 

 

Nəhəng şirkətin sahibləri arasında yaranan problemlər onları “MTN çetesi”nin yuvasına aparıb. Şəriklərin bir-birindən şikayətindən istifadə edən maskalılar hər iki tərəfin “dərisini soyub”. Əvvəlki epizodlarda olduğu kimi təkcə pullarını almayıblar. Hətta şirkətin bir hissəsini özəlləşdirməyə çalışıblar.
 
“MTN mafiyası”nın zərərçəkmişlərindən biri də “Techmarine LTD” MMC-nin təsisçisi Arif Həsənovdur. Şirkət 1996-ci ildə təsis edilib və gəmi təmiri ilə məşğul olub. 
 
Musavat.com xəbər verir ki, zərərçəkmiş Həsənov istintaqa ifadəsində deyib ki, sonradan Səhrab Allahverdiyevlə şərik oldub və şirkətin 50%-ni ona satıb.
 
Onun sözlərinə görə, MMC-nin bank hesabı son 5-6 ildə Beynəlxalq Bankın “Qaradağ” filialında olub. MMC-nin əsasnaməsinə görə, bütün bank əməliyyatları yalnız onun imzası ilə həyata keçirilib. A.Həsənovun şikayətindən görünür ki, onun MTN-lə problemləri şəriki Səhrab Allahverdiyevlə bağlı yaranan şübhələri ilə başlayıb.
 
Offşor şirkətlərə köçürülən milyonlar
 
Sahibkar ifadəsində deyib: “Şərikimin dəbdəbəli həyat yaşadığını görüb şübhələnməyə başladım. 2013-cü ildən başlayaraq şirkətin bağladığı müqavilələr üzrə sənədləri yoxladım. Müəyyən etdim ki, Səhrab razılığım olmadan şirkətin vəsaiti hesabına işlər görməklə 6 milyon 200 min dollar məbləğində pulu Estoniya və Latviyadakı banklara, offşor şirkətlərin hesablarına köçürüb. İngiltərənin offşor zonasında “Techmarin AS LTD” adlı şirkət təsis edib. Şirkətimin adındakı oxşarlıqdan istifadə edib, sifarişçilərlə iş görüb. Digər qanunsuz əməllərlə Səhrab Allahverdiyevin şirkətə 6 milyon 200 min dollar ziyan vurması sənədlərlə təsdiq olundu. Həmin sənədləri istintaqa da təqdim etmişəm”. 
 
Şərikinin əməllərindən MTN-ə şikayət edərək milyonlarını geri almaq istəyən A.Həsənov özü maskalıların qurbanı olub. Belə ki, A.Həsənov bildirib ki, S.Allahverdiyevdən pulunu tələb edəndə hədələnib: “Səhrab məni və oğlumu tutduracağını dedi. 2014-cü ilin dekabr ayında “Neftmaşınqayırma” MMC-nin direktoru, tanışım Asif Bədəlovla görüşəndə MTN-də əlaqələrinin olduğunu dedi. Asif dedi ki, bu barədə MTN generalı Fizuli Əliyevə müraciət edim. Sonradan başıma gələnlərdə Asif Bədəlovun iştirakının və rolunun nədən ibarət olduğunu dəqiq bilmirəm. Asiflə yaxın dostluq münasibətimiz də olmayıb. Onun Fizuli Əliyevlə nə kimi əlaqələrinin olduğunu deyə bilmərəm. 2015-ci ilin yanvar ayının əvvəlində Asif məni MTN-nin yaxınlığındakı “Sultan” kafesinə çağırdı. Ora gedəndə Fizuli Əliyev, Natiq Alıyev, Zaur Məmmədov və Asif Bədəlovu gördüm. Onlara Səhrabın cinayət əməlləri barədə məlumat verdim, sənədləri təqdim etdim. Yanvarın ortalarında Zaur Məmmədov zəng edib, Fizuli Əliyevin “Sultan” kafesində məni gözlədiyini dedi”.
 
Dostun dərd gətirən məsləhəti...
 
Sahibkar bu görüşə gedəndə gözlədiklərinin əksi ilə qarşılaşıb. Onun sözlərinə görə, Fizuli Əliyev çatan kimi ona “Bütün günah səndədir, səni də, oğlunu da tutacağıq. Sabaha qədər 400 min pul gətir” deyib: “Bu görüşdən bir neçə gün sonra şirkətin ofisinə Fizuli Əliyev, Natiq Alıyev, Zaur Məmmədov, Akif Əliyev və bir neçə MTN əməkdaşları gəldilər. Ofisdə oğlum Həsən, Səhrab, baş mühasib Mətanət Allahverdiyeva və digər işçilər var idi. Baş mühasibin kompüterini, MMC-nin çek kitabçasını və digər maliyyə sənədlərini götürdülər. Müşahidə kamerasını da apardılar. Oğlumu, Səhrab Allahverdiyevi və məni MTN-ə apardılar. Gecə saat 11-də onları buraxdılar. Mən orada qaldım. Fizuli Əliyevin hərəkətlərindən və dediklərindən başa düşdüm ki, onlar Səhrab Allahverdiyevi müdafiə edirlər.
 
Mənəvi olaraq çox böyük təzyiq gördüm. Sonra pul tələb edildi. İstənilən 400 mini evdən götürərək “Sultan” kafesində Fizuli Əliyevə verdim. Orada Fizuli Əliyev dedi ki, “Bankda nə qədər pulun var?” Beynəlxalq Bankın “Qaradağ” filialındakı depozit hesabımda 100 min manat, “Azəriqazbank”da da həyat yoldaşımın adına 100 min dollar olduğunu dedim. Fizuli Əliyev “Gözlə burda, gələcəklər onlarla danışarsan” deyib kafedən getdi. 15-20 dəqiqədən sonra Akif Əliyev gəldi. Bankdan pulları çıxarıb ona verməyimi tələb etdi. Etiraz etdim. Səhər oğlumla MTN-ə gəlməyimi istədi”.
 
“Qurban” maskalılar arasında əl dəyişir 
 
MTN generalı Fuzli Əliyevdən sonra Arif Əliyevin caynağına keçən sahibkardan ofisi və 130 min manat tələb olunub: “Akif Əliyev şirkətin balansında olan ofisi Səhrab Allahverdiyevə verməyimi, əlavə olaraq isə ona 130 min ödəməyimi istədi. Bundan sonra Akif Əliyevin dediyi ilə razılaşıb və istənilən məbləği və ofisi onlara verdim”.
 
Sahibkar deyir ki, bundan sonra da MTN-nin təzyiqləri dayanmayıb: “MMC-nin əsas fəaliyyəti ilə məşğul olmasına imkan vermədilər. Müqavilə bağladığımız sifarişçiləri MTN-ə çağırıb bizimlə işləməməyi tapşırırdılar. Əvvəllər şirkətimiz “Topaz Marine” şirkəti ilə əməkdaşlıq edirdi. Sonradan onlar Səhrab Allahverdiyevin “Delta ASM” şirkəti ilə işləməyə başladılar”.
 
Eldar Mahmudovun əmisi oğlu...
 
Şahid qismində “Qaradağ maşınqayırma” ASC-nin idarə heyətinin sədri Asif Bədəlov da ifadə verib. A.Bədələov ifadəsində göstərib ki, Səbail Rayon Polis İdarəsinin rəisi olmuş İlqar Mahmudovla (İ.Mahmudov Eldar Mahmudovun əmisi oğludur. Sabiq nazir postunu itirdikdən sonra o da işdən azad edilib) uzun müddət şəxsi münasibətləri olub: “2014-cü ilin sonunda İlqar Mahmudovun otağında öz işimlə bağlı görüşmüşdük. MTN əməkdaşı Fizuli Əliyevlə də orada tanış oldum. 10-15 dəqiqə bir otaqda oturub ümumi söhbətlər etdik. Mən Fizuli Əliyevə öz telefon nömrəmi verdim, o da mənə. Həmin dövrdə Arif Həsənovla da tanış olub müəyyən bir iş görmək istədim. Bir neçə dəfə görüşdük. Aramızda dostluq münasibətləri yarandı. Bir-iki dəfə onun bikef olduğunu görüb səbəbini soruşdum. Şəriki ilə müəyyən maliyyə problemlərinin olduğu barədə qısa danışdıq. Mən də şərikinin qanunsuz fəaliyyəti ilə bağlı MTN-ə müraciət etməsini, Fizuli Əliyevin ona kömək edə biləcəyini dedim. Mən Fizuli Əliyevə zəng elədim. Birlikdə “Sultan” kafesində görüşüb danışdıq. Sonra onlar mənim iştirakım olmadan görüblər. 2015-ci ilin yanvar ayında Arif Həsənovla əlaqəm kəsildiyindən sonra baş verənlərdən xəbərim yoxdur”.
 
Şərikin xilas planı
 
Zərərçəkmiş qismində “Techmarine LTD” MMC-nin baş texniki meneceri, Arif Həsənovun oğlu Həsən Həsənov da tanınıb. O da istintaqa atası kimi eyni məzmunda ifadə verib. Və əlavə edib ki, MTN-də baş verən həbslərdən sonra şərikləri Səhrab Allahverdiyev onu öz ofisinə dəvət edib. Həsən Həsənov deyib ki, S.Allahverdiyev onlarla barışıq istəsə də razılaşmayıb.
 
Şahid qismində “Techmarine LTD” MMC-də 50 faiz pay sahibi olmuş Səhrab Allahverdiyev də ifadə verib. O, uzun müddət Xəzər Gəmiçiliyində baş mühəndis vəzifəsində işlədiyini orada Arif Həsənovla tanış olduqdan sonra 8 təsisçi ilə “Techmarine LTD” MMC-ni təsis etdiklərini deyib.
 
Uzun müddət şirkətdə işlərin yaxşı getdiyini, Arif Həsənovla heç bir problemlərinin olmadığını deyən S.Allahverdiyev şəriki ilə münasibətlərinin korlanmasında onun oğlu Həsən Həsənovu günahkar kimi göstərib. O, deyib ki, 2013-cü ildə heç bir əsas olmadan şirkətin müdiri Arif Həsənovun oğlu Həsən Həsənov bəzi hərəkətləri ilə onların arasındakı münasibətləri pisləşdirib.
 
İstintaqda məlum olub ki, ilk şikayəti S.Allahverdiyev Arif Həsənovdan edib. Belə ki, S.Allahverdiyev Hərbi Prokurorluğa müraciət edərək Arif Həsənovu maliyyə fırıldaqları etməkdə günahlandırıb. S.Allahverdiyev də MTN-nin zərərçəkmişi olduğunu deyir. Onun sözlərinə görə, 2015-ci il yanvarın 16-da tanımadığı nömrədən zəng gəlib və özünü MTN əməkdaşı kimi təqdim edən Fizuli Əliyev onu nazirliyə çağırıb.
 
MTN-ə gələrkən Fizuli Əliyev ona deyib ki, Arif Həsənov ondan şikayətçidir. S.Allahverdiyev MTN-də olarkən ona qarşı irəli sürülən ittihamları rədd edib. O, həmçinin keçmiş şəriki Arif Həsənovla üzləşdirilib. Üzləşmə zamanı tərəflər bir-birini günahlandırıb.
 
Şərikin MTN-lə əlaqələri
 
S.Allahverdiyev ifadəsində deyib ki, Fizuli Əliyev ona hədə-qorxu gələrək telefon danışıqlarının bir aydan çoxdur, dinlənildiyini və şirkətin külli miqdarda pul vəsaitlərini ələ keçirdiyini söyləyib. 
 
Ardınca da S.Allahverdiyevdən 1 milyon manat tələb edilib: “Bu qədər pulumun olmadığını dedim. Sonra 500 min istədi. Yenə də razı olmadım. Fizuli Əliyev Arif Həsənovdan 200 min aldıığını məndən isə 500 min alacağını söylədi. Bir müddət sonra yenidən MTN-ə çağırıldım və Fizuli Əliyev Arif Həsənovdan ayrılmağımı tələb etdi. Mən də razılaşdım. Sonra MTN əməkdaşı Akif Əliyev zəng edərək MMC-nin fəaliyyətinin nədən ibarət olduğunu soruşdu”.
 
S.Allahverdiyev istintaqda etiraf edib ki, MTN əməkdaşı olan Arif Əliyevlə görüşərkən şirkətdə aparılan audit yoxlamasının nəticələrinin Arif Həsənovun xeyrinə olmasına imkan verməməsini xahiş edib. Tez-tez MTN əməkdaları ilə görüşməsini etiraf edən S.Allahverdiyev hər dəfəsində “Techmarine LTD” MMC-nin fəaliyyəti ilə bağlı onları məlumatlandırdığını söyləyib. Şirkətin əmlakının bölüşdürülməsi təklifini Fizuli Əliyevdən aldığını deyən S.Allahverdiyev bununla razılaşıb.
 
Adı bu epizodda çəkilən MTN-nin Energetika və Nəqliyyat Sahələrində  Təhlükəsizlik Baş idarənin 2-ci idarəsinin sabiq rəisi Akif Əliyev də dindirilib. O, rəisi Akif Çovdarovdan şirkətlə bağlı nazirliyə şikayət daxil olması haqda məlumat aldığını, bu işi digər MTN zabitləri Fizuli Əliyev və Natiq Alıyevin araşdırdığını deyərək, sahibkarların incidilməsi və baş verən proseslərdən xəbərinin olmadığını qeyd edib.
 
Bu epizodla bağlı diqqəti çəkən bir məqam da istintaqın şəriklərdən S.Allahverdiyevlə bağlı gəldiyi nəticədir. Belə ki, istintaq S.Allahverdiyevin MTN zabitləri ilə əlbir olmasını istisna etmir və onun əməllərinə də hüquqi qiymət veriləcəyi bildirilir.
 
 
 

 

Şərhlər