Millət vəkili Q.Paşayeva ön cəbhədə yaşayan kənd sakinlərinin Qurban bayramını təbrik edib - FOTOLAR

Millət vəkili Q.Paşayeva ön cəbhədə yaşayan kənd sakinlərinin Qurban bayramını təbrik edib - FOTOLAR
Tarix: 04.09.2017 13:06
Oxunma sayı: 682
Paylaş:

Millət vəkili Q.Paşayeva ön cəbhədə kənd sakinlərinin Qurban bayramını təbrik edib, şəhid ailələrini ziyarət edib.

Millət vəkili Q.Paşayeva Tovuzun Ermənistanla ön cəbhədə yerləşən kəndlərində  sakinlərlə görüşüb, bayramlarını təbrik edib, bayram hədiyyələrini təqdim edib, qayğı və problemlərlə maraqlanıb. 

Reaksiya.az xəbər verir ki, ön cəbhə kəndlərinin qəhrəman kəndlər olduğunu söyləyən millət vəkili Qənirə Paşayeva ön cəbhə kəndlərində sakinlərin düşmənin bütün təxribatlarına baxmayaraq heç bir zaman öz evlərini tərk etməməsinin, bununla da düşmənə ən layiqli cavab verməsinin hər kəs tərəfindən yüksək qiymətləndirildiyini bildirərək ön cəbhədə yaşayan sakinlərimizin fədakarlığını xüsusi vurğulayıb. Qənirə Paşayeva kəndə səfər zamanı bir sıra seçiciləri də dinləyərək, onları narahat edən problemlərlə bağlı qeydlər apararaq, həll edilməsi istiqamətində köməklik göstərilməsinə çalışacağını bildirib. Bir sıra məsələlərin rayon səviyyəsində həll olunmasına nail olan Q.Paşayeva onların bəzi problemlərinin həlli istiqamətində Bakıya dönən kimi müvafiq qurumlarla danışacağını və onların bəzi təkliflərini parlamentdə səsləndirəcəyini deyib.

Qənirə Paşayeva seçiciləri narahat edən bir sıra digər məsələləri də dinləyib və onların bəzilərini rayonda həll edib, bəzi dövlət qurumları ilə bağlı məsələləri isə Bakıya qayıdan kimi həll etməyə çalışacağına söz verib. Millət vəkili Q.Paşayeva ön cəbhə kəndlərində bir çox şəhid ailələrini ziyarət edib, bayramlarını təbrik edib və qayğıları ilə maraqlanıb. Millət vəkili həmçinin ön cəbhə kəndlərində bir sıra maddi imkanları ağır olan ailələrlə də görüşüb, bayramlarını təbrik edib, probemləri ilə maraqlanıb.

Millət vəkili ön cəbhə kəndlərində eyni zamanda bir sıra gənclərlə də görüşüb, onların dərsləri, planları ilə də maraqlanıb və fikir mübadiləsi aparılıb.

Millət vəkili onlara öz kitablarını imza ilə hədiyyə də edib. Q.Paşayeva bildirib ki yeni kitabının ilk nüsxələrini ön cəbhəmizi qoruyan əsgərlərimiz və ön cəbhədə yaşayan insanlara hədiyyə etməkdən məmundur. 

Reaksiya.az

Şərhlər