Bu gün Flora Əhmədovanın doğum günüdür

Bu gün Flora Əhmədovanın doğum günüdür
Tarix: 09.12.2017 18:27
Oxunma sayı: 1682
Paylaş:

Reaksiya.az xəbər verir ki, bu gün Milli Dirçəliş Hərəkatı Partiyasında 1988 ci ildə Qərbi Azərbaycandan deportasiya olunmuş həmvətənlərimizlə bağlı tədbir keçirilib. Tədbirdə İrəvandan olan ilk azərbaycanlı qadın ədliyyə generalı Flora Əhmədovanın 9 dekabr doğum günü ilə əlaqədar xatirəsi 1 dəqiqəlik sükutla yad edilib, ruhuna dualar oxunaraq, onun haqqında xatirələr dilə gətirilib. Qeyd edək ki, Flora Əhmədova 1934-cü il dekabrın 9-da İrəvan şəhərində doğulub.

Azərbaycan Respublikası Ali Arbitraj Məhkəməsinin sədri (1979-cu ildən), əməkdar hüquqşünas. Azərbaycan Dövlət Universitetinin hüquq fakültəsini bitirmişdir (1962). Əmək fəaliyyətinə Məhkəmə Ekspertizası İnstitutunda ekspert-kriminalist kimi başlamış, Azərbaycan Respublikası Ədliyyə Nazirliyində idarə rəisi, respublikanın Baş Dövlət arbitri olmuşdur.

Azərbaycan müstəqillik qazandıqdan sonra Ədliyyə Nazirliyində və Respublika Məhkəmə-Tibbi Ekspertiza Mərkəzində mühüm postlarda işləyib. Ölkədə məhkəmə islahatları aparılan dövrə – 2000-ci ilə qədər Azərbaycan İqtisad Məhkəməsinin Rəyasət Heyətinin sədri olub.

F.Əhmədova 3 avqust 2012-ci il saat 05.00 radələrində ürək tutmasından vəfat edib. O, həmin gün Bakının Yasamal rayon qəbiristanlığında torpağa tapşırılıb. Allah rəhmət eləsin!

Çimnaz Məmmədova

Reaksiya.az

Şərhlər