Milli Məclisin növbəti plenar iclasının gündəliyində dəyişiklik olunub

14.12.2017 11:45     Sosreaksiya     1506

Azərbaycan Milli Məclisinin dekabrın 15-də keçiriləcək plenar iclasının gündəliyində dəyişiklik edilib.

İclasın gündəliyinə daha bir məsələ - Vergi Məcəlləsində dəyişiklik layihəsi əlavə edilib. Beləliklə, plenar iclasda baxılacaq məsələlərin sayı 39-a çatıb.

Bunlar "Rəsmi statistika haqqında", "Həmkarlar ittifaqları haqqında", Azərbaycan Respublikası Silahlı Qüvvələrinin İntizam nizamnaməsi", "Azərbaycan Respublikası Silahlı Qüvvələrinin Qarnizon və qaravul xidmətləri nizamnaməsi", “Meliorasiya və irriqasiya haqqında", "Məhkəmələr və hakimlər haqqında", " Toxumçuluq haqqında", "Yol hərəkəti haqqında", İstehsalat və məişət tullantıları haqqında, "Polis haqqında", "Prokurorluq haqqında" “ Avtomobul yolları haqqında” və s. qanunlara, o cümlədən Seçki və Mülki məcəllələrinə edilən dəyişiklik layihələridir.

Qanun layihələrinin əksəriyyəti İnzibati Xətalar Məcəlləsinə uyğunlaşdırılır.

Bundan başqa, "Hesablama Palatası haqqında", "Azərbaycan Respublikası Silahlı Qüvvələri haqqında" qanun layihələri də müzakirəyə çıxarılacaq.

Reaksiya.az

Şərhlər