SOCAR Mübariz Mənsimovun gəmiləri ilə bağlı məlumatlara aydınlıq gətirdi

SOCAR Mübariz Mənsimovun gəmiləri ilə bağlı məlumatlara aydınlıq gətirdi
Tarix: 16.01.2018 13:05
Oxunma sayı: 827
Paylaş:
SOCAR Mübariz Mənsimov və ya “Palmali” Şirkətlər Qrupuna məxsus gəmiləri müsadirə etməyib, ona qarşı buna bənzər hər hansı bir tədbir görməyib.
 
SOCAR-ın ictimaiyyətlə əlaqələr üzrə rəsmisi İbrahim Əhmədov SOCAR-ın “Palmali” Şirkətlər Qrupuna məxsus 14 gəmini müsadirə etməsi ilə bağlı yayılan məlumatlara aydınlıq gətirərkən bildirib.
 
“Palmali” şirkətlərinə aid olan gəmilərin limanlara buraxılmamasına gəlincə, İ.Əhmədov bildirib ki, bu məsələ müvafiq orqanların səlahiyyətindədir:
 
“SOCAR bununla bağlı hər hansı məlumata malik deyil”.
 
Qeyd edək ki, dünən bəzi Türkiyə media orqanları SOCAR şirkətinin öz zavod və müəssisələrinə “Palmali” gəmilərinin daxil olmasına qadağa qoyması barədə məlumat yayılıb. Məlumatda “Palmali Dənizçilik Şirkəti”nin SOCAR-a olan borclarını vaxtında ödəmədiyi üçün şirkətin 14 gəmisinin müsadirə edildiyi bildirilib. Məlumatda həmin gəmilərin SOCAR-ın balansına keçərək yeni gəmiçilik şirkətinin yaradılması da öz əksini tapıb.(apa) 

Şərhlər