DTX-nin hərbi qulluqçuları seçkilərdə fəal iştirak edirlər

DTX-nin hərbi qulluqçuları seçkilərdə fəal iştirak edirlər
Tarix: 11.04.2018 14:02
Oxunma sayı: 424
Paylaş:

Dövlət Təhlükəsizliyi Xidmətinin rəhbərliyi, əməkdaşları və onların ailə üzvləri, həmçinin Heydər Əliyev adına Akademiyasının zabit və kursantları, hərbi hissəsinin zabit və əsgərləri də Azərbaycan Respublikasının prezidenti seçkilərində yüksək fəallıq nümayiş etdirirlər.

DTX-dan Reaksiya.az-a verilən məlumata görə, kursant və əsgərlərin bir qismi ilk dəfə səsvermədə iştirak edirlər.

Qeyd edək ki, bu gün Azərbaycanda prezident seçkiləri keçirilir. Prezident seçkilərində 8 nəfərin namizədliyi qeydə alınıb. Onlardan 6 nəfərin namizədliyi siyasi partiyalar tərəfindən, bir nəfərin namizədliyi öz təşəbbüsü ilə, bir nəfərin namizədliyi isə təşəbbüs qrupu tərəfindən irəli sürülüb.

Səsvermə günü respublikada 125 seçki dairəsi üzrə 5426 daimi və 215 müvəqqəti seçki məntəqəsi fəaliyyət göstərir. Səsvermə prosesini gün ərzində Mərkəzi Seçki Komissiyasının saytından da izləmək mümkündür. Belə ki, 119 seçki dairəsi üzrə 1000 seçki məntəqəsində veb-kameralar quraşdırılıb.

Seçkiləri 894 beynəlxalq (61 təşkilat, 59 ölkə), 58 175 yerli müşahidəçi izləyir.

Prezident seçkilərində səsvermə saat 19:00-da sona çatacaq. Hazırkı məlumata əsasən, Azərbaycanda 5 milyon 309 min 434 nəfər səsvermə hüququ olan şəxs var, onlardan 50.78 faizini qadınlar, 49.22 faizi isə kişilər təşkil edir.

Saat 12:00-a olan məlumata görə, prezident seçkilərində respublika üzrə seçicilərin 39,39 faizi, yəni 2 093 343 seçici səs verib.

Reaksiya.az

Şərhlər