Ağdamın işğaldan azad olunan 2 kəndi minalardan tam təmizlənib

06.01.2021 13:23     Sosreaksiya     321

Ağdam rayonunun işğaldan azad olunan iki kəndi minalardan təmizlənib.

Bu barədə Reaksiya.az-a Ağdam rayon İcra Hakimiyyətindən məlumat verilib.

Məlumatda bildirilir ki, rayonun Ağdamkənd və Sarıcalı kəndlərinin ərazisi demək olar ki tam olaraq minalardan təmizlənib, digər kəndlərdə isə təmizlənmə işləri aparılır.

Hazırda rayonun Qiyaslı və Şahbulaq kəndləri istiqamətində təmizləmə işləri aparılır.

Xatırladaq ki, Ağdam rayonu 2020-ci ilin noyabrın 20-də erməni işğalından azad edilib. Hazırda Ərazilərin Minalardan Təmizlənməsi üzrə Milli Agentlik (ANAMA) ilə yanaşı Rusiya Fövqəladə Hallar Nazirliyinin əməkdaşları da Ağdam rayonunun minalardan təmizlənməsi prosesində iştirak edir.

Reaksiya.az

Şərhlər