COVID-ə qarşı immunitet ömürlük ola bilər

12.06.2021 18:15     Sosreaksiya     155

ABŞ-ın Sent-Luis şəhərindəki Vaşinqton Universiteti Tibb Məktəbinin alimləri müəyyən ediblər ki, koronavirusun yüngül formalarına yoluxmuş xəstələr sağaldıqdan sonra onların orqanizmində anticismlər yaradan immun hüceyrələri uzun illər ərzində qalmaqda davam edir və bu hal ömürlük ola bilər.  

Reaksiya.az xəbər verir ki, müvafiq araşdırma tədris müəssisəsinin saytında dərc olunub.

Alimlər 95 nəfərin qan və ilik nümanələri üzərində araşdırma aparıblar. Onların hamısının koronavirusu yüngül formada keçirdikləri bildirib. Növbəti mərhələdə elm adamlarının ağır COVID xəstələrinin bioloji nümanələri üzərində öz iddialarını sübut etməyə çalışacaqları qeyd olunub.

Xatırladaq ki, son zamanlar COVID-ə qarşı immunitetin qısamüddətli olması barədə fikirlər səslənir. ABŞ alimlərinin sözügedən araşdırması bu müddəanı təkzib edir.

Şadman Şahbazlı

Reaksiya.az

Şərhlər

Çox oxunanlar