Bu sürücülər cərimə olunacaq - Xəbərdarlıq
22.03.2022 12:47 Sosreaksiya 251
Bayram günləri olmasına baxmayaraq, texniki baxış müddəti bitmiş nəqliyyat vaitələrinin sürücüləri cərimə olunacaqlar.
DİN Mətbuat xidmətindən Reaksiya.az-a verilən məlumata görə, Texniki Müayinə Mərkəzləri bayram günlərində fasiləsiz fəaliyyət göstərir. Sürücülərə bayram tətilindən istifadə edərək avtomobillərini texniki baxışdan keçirmək tövsiyyə edilir.
Nəqliyyat vasitələrinin texniki baxışdan keçmə müddətinin bitməsi ilə bağlı SMS məlumat almış şəxslər istifadələrində olan avtomobillərini texniki baxışdan keçirməlidirlər. Bunun üçün Bakı, Sumqayıt və Abşeron rayonu ərazisində yaşayan sakinlər paytaxtın Sabunçu rayonunda yerləşən Texniki Müayinə Mərkəzində, Lökbatan dairəsindən Yeni Yasamal yaşayış massivinə gedən yolun üzərindəki Müayinə Mərkəzində nəqliyyat vasitələrini texniki baxışa təqdim etməlidirlər.
Respublikanın digər şəhər və rayon sakinləri isə yaşadıqları ərazinin aid olduğu Baş İdarənin Regional qeydiyyat-imtahan və texniki baxış şöbələrində avtomobillərini texniki baxışdan keçirə bilərlər. Xüsusi texniki vasitələrin köməyi ilə texniki baxışdan keçməyən avtomobillər müəyyən edilərək sürücüləri cərimə olunacaqlar.
Şərhlər