Putin Ərdoğanı ən çətin anda xilas etdi - "Bloomberg"

10.08.2022 13:10     Sosreaksiya     600

Rusiya Prezidenti Vladimir Putin Tükiyə Prezidenti Rəcəb Tayyib Ərdoğana kritik anda dəstək verib.
 
 "Bloomberg"in şərhinə görə, Soçidə tərəflər rəsmi Ankaranın rus qazına görə qismən rublla ödəniş etməsi barədə razılığa gəlinib. Bununla da türk lirəsinin kursu sabitləşəcək və Türkiyə ölkə daxilində kəskin devalyasiyadan yayınacaq.
Şərhçilərin fikrincə, yeni prezident seçkisi öncəsi bu dəstək Ərdoğana lazım idi.
 
"Bloomberg" yazır ki, Türkiyə liderinin ölkədə reytinqi son 5 ildə ən aşağı həddə çatıb. Ölkədəki iqtisadi problemlər seçiciləri ciddi narahat edir.
 
Amma bununla belə, Ərdoğan təhlükəli sularda üzür. Çünki daxildə nüfuzu möhkəmlətmək üçün dünyanın Rusiyadan üz çevirdiyi anda Ərdoğanın purindən dəstək alması çox risklidir.
 
"Türkiyənin Ukrayna münaqişəsində neytral mövqe tutması onun NATO-da mövqeyini zəiflədə bilər. Amma görünən odur ki, Türkiyə üçün ölkə iqtisadiyyatını xilas etmək daha vacibdir" - deyə "Bloomberg" yazır.
 

Şərhlər