Ermənilərdən növbəti təxribat

11.05.2016 20:20     Sport reaksiya

Federasiya prezidenti Azad Əsgərov Ruslan Murtazovu tanımadıqlarını bildirib.

“Belə bir idmançı haqqında məlumatımız yoxdur və bu ermənilərin növbəti təxribatından başqa bir şey deyil”.

Bu sözləri  ANS TV-yə müsahibəsində Azərbaycan qaydasız döyüş Federasiyasının prezidenti Azad Əsgərov idman cəmiyyətinin əsas müzakirə mövzularından olan Moskvanın ən böyük idman konsert kompleksiOlimpiyskiydə baş tutan döyüş barədə açıqlama verərkən deyib.

Federasiya prezidenti rinqə Azərbaycan bayrağı ilə daxil olan Ruslan Murtazov adlı idmançının əsgər paltarında və Qondarma Dağlıq Qarabağ Respublikasının bayrağı ilə döyüşə çıxan Albert Kazaryana məğlubiyyəti barədə danışıb.

“Bu idmançının hər hansı bir yerdə döyüşdüyünü görməmişəm. Eləcə də Azərbaycanda yarışlarda iştirak etməyib. Mən belə başa düşünürəm ki, bu bir təxribatdır. Beynəlxalq Federasiyanın orada heç bir nümayəndəsini görmədim. Mən indi federasiyanın baş hakimi ilə danışdım. Heç onların da bu barədə heç bir məlumatı yoxdur”, - deyə Federasiya rəhbəri baş verən qalmaqallı hadisə ilə bağlı açıqlama verib.

MMA federasiyası prezidenti Azad Əsgərovun açıqlaması

19 yaşlı idmançı Ruslan Murtazov ötən gün Azərbaycan bayrağı çiynində Moskvada Rusiyanın Boks telekanalı vasitəsilə canlı yayımlanan döyüşdə rinqə çıxaraq özünü Qondarma Dağlıq Qarabağ Respublikasının təmsilçisi kimi təqdim edən Albert Kazaryana məğlub olub.

Ruslan Murtazov və Albert Kazaryan döyüşü

 

Advertisement Banner

Şərhlər

Çox oxunanlar