Nazir: “Erməni işğalını hər gün hiss edirik”

10.11.2016 15:35     A-reaksiya     1573

“Qarabağdakı işğalını biz təkcə torpaqların itirilməsi ilə hiss etmirik. Biz hər gün - beynəlxalq tədbirlərdə, internet məkanında, mətbuatda, mətbəxdə, kinolarda bu işğalın şahidi oluruq. Elə ay, elə il olmur ki, qonşularımız bizim hansısa mədəni sərvətimizə əl uzatmasın. Bunu tarixi abidələrimizə, musiqimizə, mətbəximizə olan münasibətdə hiss edirik”.

APA-nın xəbərinə görə, bu sözləri mədəniyyət və turizm naziri Əbülfəs Qarayev “Qarabağ: tarix və irs” mövzusunda keçirilən konfransda deyib. O bildirib ki, Azərbaycan tərəfi ermənilərin bu iddialarının qarşısını almağa çalışır: “Azərbaycan xalqı ona məxsus olan mədəni sərvətlərin UNESCOsiyahısına daxil olmasına nail olub. Bu gün tar, aşıq musiqisi, xalçamız qeyri-maddi mədəni irs siyahısına daxildir. Bu dəyərlər təkcə Azərbaycan xalqına yox, həm də bəşəriyyətə məxsusdur”.