Sabir Rüstəmxanlıdan həyəcan təbili: İnsanlar içməyə su tapmırlar
19.06.2020 15:17 A-reaksiya 2450
Nefçalada nəinki insanlar, heç heyvanlar üçün də içməli su yoxdur. Bunun səbəbi ötən il Nefçalaya su çəkmək üçün ölkə başçısının ayırdığı 5 milyon manatın xərclənməməsi, guya qənaət edilməsidir.
Bunu deputat Sabir Rüstəmxanlı “Azərbaycan Respublikasının 2019-cu il dövlət büdcəsinin icrası haqqında” məsələnin üçüncü oxunuşunda çıxışı zamanı deyib.
Deputat qeyd edib ki, Kürün suyu şorlaşıb, insanlar içməyə, heyvanlarını, bağlarını, bostanlarını suvarmağa su tapmırlar: “Buradan aidiyyəti qurumlara səslənirəm, həyəcan təbili çalıram. Bu cür məsələlərdə qənaət etmək olmaz. Nefçaladan mənə yazırlar ki, burada xəstəxana da işləmir və hamını Salyana göndərirlər. Pandemiya dövründə belə problemlər yaratmaq olmaz”.
Şərhlər