Mina xəritələri qarşılığında diversantlar - Bakı ilə Yerevan yeni razılaşmaya gedir?

30.06.2021 12:03     A-reaksiya     477

“Beynəlxalq Qırmızı Xaç Komitəsi Bakı ilə Yerevan arasında hərbi əsirlərin dəyişdirilməsində vasitəçi ola bilər. Amma saxlanılan şəxslərin statusu barədə mübahisəni Azərbaycan və Ermənistan öz aralarında həll etməlidir”.

Bu barədə Beynəlxalq Qırmızı Xaç Komitəsinin prezidenti Peter Maurer Rusiyanın “İzverstiya” qəzetinə müsahibəsində deyib.

Onun sözlərinə görə, saxlanılan şəxslərin azad olunması ilə bağlı danışıqlarda irəliləyiş var. Qırmızı Xaç Komitəsinin sədri bu zaman Qarabağdakı mina xəritələri ilə bağlı məsələyə birbaşa toxunmasa da, danışıqların getdiyini təsdiqləyib.

“İrəliləyiş əldə olunub, saxlanılan şəxslər evlərinə göndərilir. Amma bəzi saxlnaılan şəxslər barədə mübahisələr var: onlar hərbi əsir sayılıb-sayılmaması,hansı statusa malik olmaları və s. barədə. Bu məsələlərlə məşğul olmaqda davam edirik”- deyə Maurer deyib.

Xatırladaq ki, iyunun 12-də Azərbaycan Ağdam rayonunda basdırılmış 97 min piyada və tank əleyhinə minanın yerləşdiyi ərazini göstərən mina xəritələri qarşılığında 15 erməni diversantı Ermənistan qaytarmışdı.

Reaksiya.az

Şərhlər