İmran Xanı hədəfə gətirən şok səbəb - “Pakistan generalları da...”
11.04.2022 13:08 A-reaksiya 590
![](https://img.reaksiya.az/news/2022/04/photo_33886.jpg)
“Pakistan Baş naziri İmran Xan əmindir ki, onun parlamentdə devrilməsində Vaşinqtonun rolu olub”.
Reaksiya.az xəbər verir ki, bunu politoloq Elxan Şahinoğlu deyib.
Ekspert Pakistanın ictimai-siyasi həyatında baş verən son gəlişmələrə diqqət çəkib:
“Pakistanda illər uzunu baş nazirlər və hökumətlər korrupsiya ittihamları ilə üzləşiblər. Baş nazirlər sonrakı illərdə korrupsiya ittihamları ilə ya həbs olunublar, ya da Pakistanı tərk edərək əsasən Londonda siyasi sığınacaq tapıblar. Bu dəfə isə durum fərqli idi. Pakistan Baş naziri İmran Xan xarici və təhlükəsizlik siyasətinə görə hədəf götürülüb.
İmran Xanın Çinlə yanaşı, Rusiya ilə yaxınlaşması müxalifətin və indi bəlli olur ki, pakistanlı generalların xoşuna gəllməyib. Pakistan İmran Xandan əvvəl də Çinlə sıx əlaqələr qurub. Bu siyasi ittifaq Hindistan əleyhinədir. Çinin Pakistana böyük yatırımları da mövcuddur”.
Elxan Şahinoğlu Pakistan-Rusiya münasibətlərinə də toxunub:
“Pakistanın xarici siyasətində Rusiya amili yenidir. Görünür, bunda da Çin amili rol oynayıb. Rusiya ilə strateji tərəfdaş olan Pekin İslamabada da eyni “siyasəti” təklif edib. Rusiya Prezidenti Vladimir Putin Ukraynaya qarşı işğalçı müharibədən bir neçə gün əvvəl İmran Xanı Moskvada qəbul edib. Bu, Pakistan müxalifətiylə yanaşı ABŞ-ın da xoşuna gəlməyib.
İmran Xan əmindir ki, onun parlamentdə devrilməsində Vaşinqtonun rolu olub. İmran Xan müxalifət nümayəndələrini ABŞ səfirliyində müzakirələrdə iştirakda ittiham edib. Vaşinqtonun son illərdə Hindistanla qurduğu sxı siyasi və hərbi əlaqələr Pakistanın hərbi dairələrində narahatlıq doğurub. Pakistan generalları hesab edə bilərdilər ki, İmran Xanın Çin və Rusiya ilə yaxınlığı ABŞ-Hindistan ittifaqını daha da gücləndirir və ona görə onların da baş nazirlə yolları ayrılıb”.
Şərhlər