"Elnur evə qapanıb, öz üzərində işləmək istəmir"

05.01.2016 15:28     Artreaksiya     2245

Keçən il “O səs Türkiyə” yarışmasında birinci olan azərbaycanlı müğənni Elnur Hüseynov uzun müddətdir ki, gündəmdən uzaq düşüb.

"Reaksiya" azvision.az-a istinadən xəbər verir ki, bəstəkar, əməkdar incəsənət xadimi Gövhər Həsənzadə Elnurun onunla əlaqə saxlamadığını söyləyib.

“Elnur mənimlə əlaqə saxlamır. Bilmirəm indi haradadır, nə işi görür. Bir müddət öncə türk şairə Ayşə Birgül Yılmazla əlaqə saxladım. O, Elnurun Türkiyənin məşhur “Enbe” orkestri ilə çalışdığını dedi”.

Şairə xanım Ayşə Birgül Yılmaz isə Elnur Hüseynovun Türkiyədə ev aldığını və Bakıdan birdəfəlik köçdüyünü bildirib.

“Bir müddət öncə Elnurla mesajlaşdıq. O, mənə zəng edəcəyini söylədi. Biz onunla şəhərin eyni istiqamətində yaşayırıq. O, əvvəlcə mənə dedi ki, “Avropa Music” şirkəti ilə çalışacaq, yeni albom hazırlayacaq. Sonra bildirdi ki, bütün mahnıları özü hazırlayacaq. Elnurdan baş açmaq olmur. O, evə qapanıb, öz üzərində işləmək istəmir. Elnur hazırda yeni evində yaşayır. Bizimlə də əlaqə saxlamır”.