Azərbaycanlı aktyor dünyasını dəyişdi

17.04.2016 16:12     Artreaksiya     1630

Azərbaycan Musiqili Komediya Teatrının aktyoru, bir sıra filmlərdə uğurlu rollar oynamış Məcid Dadaşov bir neçə saat bundan əvvəl dünyasını dəyişib. 

Respublika.info xəbər verir ki, bu barədə mərhumun yaxınları məlumat veriblər.

Əldə etdiyimiz məlumata görə, xərçəng xəstəliyindən əziyyət çəkən Məcid Dadaşov bu gün evində vəfat edib.

Xatırladaq ki, Məcid Dadaşov “Bir cənub şəhərində”, “Yol əhvalatı”, “Azərbaycan naminə” filmlərində çəkilib.

Onun “Bir cənub şəhərində” filmində oynadığı Həsən rolu xüsusən uğurlu alınıb.

Qeyd edək ki, Məcid Dadaşovun oğlu Manaf Dadaşov Gənc Tamaşaçılar Teatrının aktyorudur.