Rihannadan Cenifer Lopezə bahalı hədiyyə

23.04.2016 13:16     Artreaksiya     1514

Barbadoslu ifaçı Cey Loya dikdaban ayaqqabı hədiyyə edib.

Dünya şöhrətli barbadoslu müğənni Rihanna Cenifer Lopezə hədiyyə verib. ANS PRESS-in məlumatına görə, ifaçı Cey Loya  dikdaban ayaqqabı bağışlayıb. Sənətçi hədiyyəsini “İnstaqram” səhifəsində paylaşıb.

Hədiyyə  qutusunun içində Rihanna Cey Loya  məktub da  yazıb. "Bu, sənin ayağına mənimkindən daha yaxşı yaraşar". Cenifer Lopez isə barbadoslu müğənniyə minnətdarlığını bildirib. "Rihanna, möhtəşəm ayaqqabı üçün çox sağ ol".  C.Lopez hələlik yeni  ayaqqabılarını  geyinməyib.  

Cenifer Lopez 1969-cu il iyulun 24-də Cənubi Bronksda doğulub. Valideynləri Qvadelupa Rodriqes və David Lopez Puerto-Rikodan gəlmiş mühacirlər olublar. İfaçı 4 dəfə evli olub. Hazırda Ceniferin yeni sevgilisi Kasper Smartdır.  O, Lopezdən 18 yaş kiçikdir. Onlar 2014-cü ildən görüşməyə başlayıblar. 

Rihanna 2005-ci ildə ilk dəfə "Pon de Replay" adlı albomunu çıxarıb. Albom"Billboard Hot 100"də 2-ci sıraya qədər yüksəlib və böyük uğurlar əldə edib. 2006-cı ildə isə "A Girl Like Me" adını verdiyi ikinci albomunu çıxarıb. Bu albom sayəsində bir çox mükafat alıb və albomdakı "SOS" mahnısı "Billboard Hot 100"də 1 nömrəyə qədər yüksəlib. 

Cenifer Lopez - Papi

 

Şərhlər