Dünyanın ən çox qazanan aktrisaları - FOTOLAR

21.08.2015 15:19     Artreaksiya     3858

Amerikanın “Forbes” jurnalının reytinqinə əsasən, bu il dünyanın ən çox qazanan aktrisası “Aclıq oyunları”nın ulduzu 25 yaşlı Cennifer Lourens olub.

Reaksiya.az xəbər verir ki, aktrisa il ərzində 52 milyon dollar qazanıb.

İkinci yerdə 35,5 milyon dollarla Skarlett Yohansson, üçüncü yerdə “Casus” filminin qəhrəmanı Melissa Makkarti (23 milyon dollar) olub.

Siyahıda ABŞ-dan olmayan yeganə aktrisa çinli Binbin Fan olub. O, 21 milyon dollarla dördüncü yerdə qərarlaşıb.

Beşinci yerdə Ceniffer Eniston (16,5 milyon dollar), altıncı yerdə Culiya Roberts (16 milyon dollar) gəlib. Yeddinci yeri aktrisa və rejissor Ancelina Coli ilə aktrisa Riz Uizerspun bölüşüb – hər biri 15 milyon dollar qazanıb.

Ötən ilin reytinq lideri Sandra Bullok bu mövsüm 8 milyon qazanaraq səkkizinci yerdə qərarlaşıb.