Anarın "Seçilmiş əsərləri" nəşr olundu - Macarıstanda
02.09.2015 13:41 Artreaksiya 2431
Azərbaycanın Macarıstandakı Səfirliyinin təşəbbüsü ilə xalq yazıçısı, Azərbaycan Yazıçılar Birliyinin sədri, Heydər Əliyev mükafatı laureatı Anarın "Seçilmiş əsərləri" Budapeştin "Harmattan" nəşriyyatında nəfis şəkildə çap olunub.
Reaksiya.az APA-ya istinadən xəbər verir ki, kitaba yazıçının müxtəlif illərdə qələmə aldığı, müasir Azərbaycan və dünya oxucusunun maraq və diqqətini çəkən əsərləri daxil edilib. Anarın povest və hekayələrini macar dilinə Marqarita Herinq, Anna Vandor, Laslo Zahemski kimi peşəkar tərcüməçilər çeviriblər. Ümumi redaktorluq işini isə tanınmış macar azərbaycanşünası, Budapeştin
Macarıstan Yazıçılar Birliyinin sədri Yanoş Sentmartin azərbaycanlı həmkarının kitabına öz söz yazıb. "Əbədi dəyərlər sorağında" adlı bu öz sözdə Anarın yaradıcılığı timsalında ədəbiyyatın xalqın və cəmiyyətin həyatında oynadığı mühüm roldan bəhs olunur. Azərbaycanın Macarıstandakı səfiri, tanınmış filoloq-alim Vilayət Quliyevin "Otuz il sonra, yaxud "köhnə" Anarla yeni görüş" adlı son sözündə isə ilk əsərləri macar dilinə hələ 30-35 il əvvəl çevrilən yazıçının aradan keçən illər ərzindəki yaradıcılıq yolundan, zəngin ictimai fəaliyyətindən, türk xalqlarının mədəniyyətinə verdiyi böyük töhfədən danışılır, onun əsərlərini macarlar üçün də yaxın, anlaşıqlı edən cəhətlərə toxunulur. Macar mətbuatının vaxtı ilə xalq şairləri Rəsul Rza və Nigar Rəfibəyli, habelə Anar haqqında çap etdiyi materiallar əsasında hazırlanan "Anarın portreti cizgiləri" icmalı isə məşhur sənətkar ailəsini müasir macar oxucularına daha yaxşı tanıtmağa xidmət edir.
Şərhlər