Obama Putinlə görüşdü

01.12.2015 02:23     Dünyadan reaksiya     1536

Parisdə keçirilən BMT-nin İqlim dəyişikliyi Konfransında Rusiya və ABŞ prezidentləri arasında görüş keçirilib.

Reaksiya.az-ın verdiyi məlumata görə, Putin-Obama görüşü yarım saatdan çox çəkib.

Qapalı keçən görüşdə Obama Bəşər Əsədin Suriyada siyasi nizamlanma çərçivəsində hakimiyyətdən getməli olduğunu söyləyib. 

Rusiya prezidentinin mətbuat katibi Dmitri Peskov jurnalistlərə açıqlamasında bildirib ki, ölkə başçılarının görüşündə Suriya böhranının siyasi yolla nizamlanması müzakirə olunub. Peskov qeyd edib ki, ABŞ prezidenti ilə görüş bu gün səhər razılaşdırılıb. Kremlin mətbuat katibi onu da əlavə edib ki, Obama Putinə təyyarə insidenti ilə əlaqədar başsağlığı verib.