ABŞ İrana qarşı yeni sanksiyalar tətbiq edə bilər

16.12.2015 04:07     Dünyadan reaksiya     1581

ABŞ İranın nüvə sahəsində fəaliyyətini təhlükəli hesab edəcəyi təqdirdə Tehrana  qarşı yeni sanksiyalar tətbiq edəcək. Reaksiya.az-ın “Reuters”ə istinadən verdiyi xəbərə görə, bu barədə Ağ Evin rəsmi nümayəndəsi Coş Ernest bildirib.  

“Əgər milli təhlükəsizlik sahəsindəki nümayəndələrimiz hesab etsələr ki, yeni sanksiyalar  bu fəallığa təsirli müqavimət göstərə bilər, onda əlavə tədbirlərin görüləcəyi istisna edilməyəcək”, deyə o qeyd edib.      

Ernest həmçinin əlavə edib ki, İranın uzaq mənzilli raket buraxılışı ilə əlaqəli olan şəxslərə qarşı artıq ABŞ sanksiyaları tətbiq edilir.  

Bundan əvvəl bildirilmişdi ki, İranın raket buraxılışı BMT TŞ-nin qətnaməsinin pozulması faktı kimi qəbul edilib.