İŞİD türk hərbçilərinin düşərgəsinə raket zərbələri endirib

17.12.2015 04:19     Dünyadan reaksiya     1645

İŞİD silahlıları türk hərbçilərinin İraqın Mosul şəhəri yaxınlığındakı düşərgəsinə raket zərbələri endirib.

Reaksiya.az-ın APA-ya istinadən məlumatına görə, bu barədə “Al Arabia” telekanalı xəbər verib.

Məlumata əsasən, hücum nəticəsində ölən və yaralananlar var.

“Milliyet”-in xəbərinə görə, raket zərbələri nəticəsində 4 türk hərbçisi yaralanıb. Əsgərlərdən birinin vəziyyətinin ağır olduğu bildirilir. Türk hərbçiləri qarşı tərəfə artilleriya atəşi ilə cavab verib.