Avrozona Yunanıstana daha 1 mlrd. avro ayırır

18.12.2015 05:53     Dünyadan reaksiya     1474

Avrozona rəhbərliyi Yunanıstana 1 mlrd. avro məbləğində növbəti kredit tranşının  ayrılmasını dəstəkləyib. Reaksiya.az-ın məlumatına görə, bunu “Reuters”ə Aİ rəhbərliyindəki mənbə bildirib. Qeyd edək ki, bundan bir gün əvvəl Yunanıstan parlamenti beynəlxalq kreditorlarla razılaşdırılmış qənaətə dair yeni tədbirlər haqqında qanunu dəstəkləyib, hökumət isə Brüsselin etirazına səbəb olmuş sosial qanun layihəsini geri çağırıb.  

“Tranş bir şərtlə təsdiqlənib - Yunanıstan bir neçə texniki addımlar atmalıdır, qərarlar rəsmi nəşriyyatda dərc edilməlidir. Bu şərtlər artıq dekabrın 18-nə icra edilməlidir. Bundan dərhal sonra Avropa Stabilləşdirilmə Mexanizmi vəsaiti köçürməyə başlayacaq”, deyə məlumatda bildirilir.