Meyvə şirəsi qutularından narkotik çıxdı

23.12.2015 04:12     Dünyadan reaksiya     1493

Niderland polisi ölkənin cənubundakı anbarların birində axtarış zamanı ümumi dəyəri 30 mln dollardan çox olan böyük həcmdə  kokain aşkarlayıb.  Reaksiya.az-ın APA-ya istinadən verdiyi xəbərə görə, polis əməkdaşları Raamsdonksveer şəhərinin mərkəzində yerləşən anbarda reyd keçiriblər.  

Məlumata görə, narkotik vasitələr “Ananas şirəsi” qablarından tapılıb. Polisin məlumatına görə, ümumilikdə 1,1 ton kokain aşkarlanıb.  

Narkotik vasitələrin  daşınmasında şübhəli bilinən 4 şəxs saxlanılıb.  Saxlanılan şəxslərin 22-28 yaşları var.