Qətər İrandakı səfirini geri çağırdı

06.01.2016 22:37     Dünyadan reaksiya     1710

Qətər hökuməti İrandakı səfirini geri çağırıb.

"Reaksiya" APA-ya istinadən xəbər verir ki, buna səbəb Səudiyyə Ərəbistanının İrandakı diplomatik missiyalarına hücum olub.

Bundan əvvəl Səudiyyə Ərəbistanı, Bəhreyn və Cibuti rəsmi Tehranla diplomatik əlaqələrini kəsdiklərini bəyan ediblər.

Qeyd edək ki, Səudiyyə Ərəbistanında aralarında şiə din xadimi Nimra ən-Nimranın olduğu 47 nəfəri edam olunub. Din xadiminin edamı İranda kütləvi etirazlara səbəb olub.