Türkiyədə 5 nəfər “donuz qripi”ndən öldü

09.01.2016 10:54     Dünyadan reaksiya     1727

Türkiyədə AH1N1 ("donuz qripi") virusu daşıyanların sayının artması ilə əlaqədar son iki gündə 35 nəfər yüksək hərarət və qusma şikayətləri ilə xəstəxanalara müraciət edib.

"Reaksiya" APA-ya istinadən xəbər verir ki, xəstələrdən 5-i ölüb, 30 nəfərin müalicəsi davam etdirilir. Onlarda “donuz qripi”nin aşkarlandığı açıqlanıb.

Ölənlərdən birinin azyaşlı olduğu bildirilir.

Həkimlər mövsüm dəyişkənliyinin bu virusun yayılmasına şərait yaratdığı barədə xəbərdarlıq ediblər. İnsanlara qrip və sətəlcəmə qarşı peyvənd olunmaları məsləhət görülür.