Dağıntılar altından 6 aylıq körpə sağ çıxarıldı

07.02.2016 23:08 Dünyadan reaksiya 1185

Tavanda baş vermiş zəlzələdən sonra 120-nəfərə yaxın insan hələ də tapılmayıb.

Tayvanda baş vermiş güclü zəlzələdən 30 saat sonra Taynan şəhərində uçmuş yaşayış binasının dağıntıları altından 6 aylıq körpə sağ çıxarılıb.

Dağıntılar altından sağ çıxarılan 6 aylıq körpə

Bundan əvvəl 20 yaşlı bir gənc xilas edilmişdi. Dağıntılar altında qalan 120 nəfərə yaxın insanın sağ-qalma ümidləri getdikcə azalır. Zəlzələ zamanı həlak olmuş 26 nəfərin çoxu çökmüş hündürmərtəbəli binanın sakinləri olub. Yaşayış kompleksinin 6,4 bal gücündə yeraltı təkana tab gətirməməsinə görə, tikinti qaydalarının pozulması ilə bağlı istintaq başladılıb.

20 yaşlı gənc xilas edilməsi

Zəlzələdən sonra 200-ə yaxın insan xilas edilib, 500 nəfərə yaxın insan müxtəlif dərəcəli xəsarətlər alıb, onlarla insan hələ də xəstəxanalarda müalicə alır. Xilasetmə-axtarış əməliyyatına yüzlərlə hərbçi, yanğınsöndürən, yüksək-texnologiyalı axtarış qurğuları, qaldırıcı kranlar və axtarış itləri cəlb olunub. Yaşayış binasının uçması nəticəsində ev-eşiklərindən məhrum olan sakinələr üçün müvəqqəti sığınacaqlar yaradılıb.