Ermənilərdən etiraf: 2 əsgəri itirdik – ölənlərin sayı 70-i keçib

20.02.2016 15:39     Dünyadan reaksiya     1169

Ermənistan ordusu dünən Azərbaycanın işğal olunmuş ərazilərində daha iki hərbçisini itirib.

 Dağlıq Qarabağın separatçı rejimi kiçik çavuş Kamo Ovanisyan və əsgər Temur Sloyanın “fövqəladə hadisə” nəticəsində öldüyünü açıqlayıb.

“Hər dəfə “fövqəladə hadisə nəticəsində” biz oğullarımızı itiririk. “Fövqəladə hadisə” nə deməkdir? Bu üstüörtülü ifadə bizdə bir çox suallar doğurur: Niyə bizi aldatmağa çalışırlar ki, ordumuzda möhkəm hərbi intizam var? Orduda nə vaxta kimi xaos hökm sürəcək? Nə vaxta kimi bizə yalan danışacaqlar? Bu suallara cavab verilməlidir”, - Ermənistan mediası yazıb.

Bildirilir ki, Ermənistan ordusu ötən il ərzində 70-dən çox hərbi qulluqçunu itirib: “Bu əsgərlərimizin döyüş ruhunu ciddi sarsıdır. Hərbi rəhbərliyimiz “fövqəladə hadisələri” fikirləşməlidir. Hörmətli generallar, siz əsgər analarına cavab verəcəksiniz?”

Publika.az