Qaçırılan jurnalistlər azad edildi

Türkiyənin Mardin əyalətinin Nusaybin şəhərində müxbir fəaliyyəti ilə məşğul olarkən PKK terrorçuları tərəfindən qaçırılan "Anadolu" xəbər agentliyinin üç əməkdaşı sərbəst buraxılıb.

ANS PRESS-in məlumatına görə, onlar saxlandıqları bölgədə HDP Mardin millət vəkili Ali Atalan və HDP icra hakimi Ferhat Kut və köməkçiləri tərəfindən geri qaytarılıblar. Fotoaparatları və videokameraları qaytarılmayan jurnalistlər hadisə barədə məlumat vermələri üçün Nusaybin polis idarəsinə aparılıb.

 Türk  jurnalistlər 48 saat bundan əvvəl oğurlanıb. Onlar PKK terrorçuları tərəfindən qaçırılıb.

Qaçırılan şəxslər agentliyin müxbiri Rauf Maltaş fotoqraf  Onur Çoban  və kameraman Kenan Yeşilyurtdur. Hadisə onlar Nusaybində xəbər axtardığı vaxt qeydə alınıb. Qaçırılan jurnalistlərin ərazidə PKK-dan icazəsiz çəkiliş etdikləri üçün fotoaparatları  və video kameraları da əllərindən alınıb.

Qaçırılıb daha sonra sərbəst buraxılan şəxslərin Əfqanıstan, Misir, Liviya,Tunis, Yəmən, Suriya kimi müharibə ocaqlarından çoxsaylı xəbərlər yazdıqları bildirilir.