Nyu-York Polis Departamenti cib telefonunu yastığının altına qoyaraq yatan insanlara çağırış edib

22.02.2016 11:52     Dünyadan reaksiya     1194

.

İnterpress.az-ın "Dailymail"-a istinadən verdiyi xəbərə görə, polis departamentinin rəsmisi David Berardesca bu barədə öz Tvitter hesabında yazıb. O, sosial şəbəkədə yastığın altında qızışıb yanan telefon və balışların şəkillərini paylaşıb.

"NBC"-yə danışan polis şefi David Berardesca deyib: "Bu kimi elektronik cihazların içi qızışmasın deyə, sərt yerə qoymaq lazımdır. Balışın yumşaqlığı və istiliyi batareyanı qızışdırır və belə yanğın baş verir".

Qeyd edək ki, gecə yatarkən telefonunu balışın altına qoyanlar, eyni zamanda, güclü radiasiya dalğalarının gətirdiyi baş ağrısından və qan azlığından əziyyət çəksələr də, bunun səbəbini anlamırlar. 

Texas ştatında yaşayan 13 yaşlı Ariel Tolfree də balışının altına qoyduğu telefonun partlayış səsinə oyanmasaydı, balışla birgə yanacaqdı. Atası qızının iki ildir ki, gecələr telefonla yatdığını söyləyib.