Rüşvətə görə tutulan polis rəisi xəstəxanaya yerləşdirildi

05.03.2016 00:54     Dünyadan reaksiya     992

Rüşvət almaqda şübhəli bilindiyinə  görə saxlanılan Moskvanın “Vnukovo” aeroportunun polis şöbəsinin rəisi  İqor Kukuşkin xəstəxanaya yerləşdirilib. APA-nın “TASS”a istinadən verdiyi xəbərə görə, onun xəstəxanaya yerləşdirilməsinin səbəbi qəfil ürək tutması olub.  Onun barəsində qəti-imkan tədbirinin seçilməsi məsələsinə həkim müayinəsindən sonra baxılacaq.

Qeyd edək ki,  Kukuşkin qadağan olunmuş yüklərin ölkə daxilinə keçirilməsi üçün 4 min dollar rüşvət götürməkdə şübhəli bilinərək saxlanılıb.

Bundan əvvəl Kukuşkinlə cinayətdə əlbir olan  Aleksey Boqdanov iki ay müddətinə həbs olunub.