Ərdoğan Türkiyədə terrorçuların fəallaşmasının səbəbini açıqladı

16.03.2016 17:10     Dünyadan reaksiya     849

Türkiyədə terror təşkilatlarının fəallaşmasının səbəbi Ankaranın əvvəlki illərlə müqayisədə müstəqil siyasət yürütməsidir.

Trend-in "TRT Haber" telekanalına istinadən verdiyi məlumata görə, bunu Türkiyə Prezidenti Rəcəb Tayyib Ərdoğan deyib.

Onun sözlərinə görə, rəsmi Ankara öz fəaliyyəti ilə bəzi ölkələrin planlarını pozdu.

R.T.Ərdoğan qeyd edib ki, Türkiyədə PKK silahlılarından dəfələrlə Rusiya və ABŞ istehsalı olan silahlar götürülüb: "Bəziləri düşünür ki, Ərdoğan istefaya getsə, Türkiyədə sakitlik bərqərar olacaq. Məgər 90-cı illərin əvvəllərində ölkədə terror tüğyan edəndə Türkiyəni mən idarə edirdim?"