"Nə qədər ki, Qarabağda Rusiya bayrağı ucaldılmayıb..."

Rusiya Liberal Demokrat Partiyasının (RLDP) lideri Vladimir JirinovskiMoskvada keçirilən 1 May mitinqində növbəti dəfə Ermənistan-Azərbaycan münaqişəsinə və Qarabağda aprelin əvvəlindəki dörd günlük müharibə mövzusuna toxunub.

ANS PRESS-in haqqın.az-a istinadla verdiyi məlumata görə, Jirinovski deyib ki, Qarabağda hərbi əməliyyatlar hələ qurtarmayıb. "O davam edir və bundan sonra da davam edəcək”.

"Əgər Moskva Qarabağı Ermənistana versə..."

RLDP liderinin fikrincə, münaqişənin həllinin yeganə yolu Rusiyanın regionda təmsil olunması və Rusiya bayrağının Qarabağda ucaldılmasıdır: “Nə qədər ki Qafqaz və Zaqafqaziya üzərində Rusiya bayrağı dalğalanmır, orada heç vaxt sülh olmayacaq”.

Rusiyanın Liberal-Demokratik Partiyasının lideri cəbhədə vəziyyət gərginləşən zaman da oxşar bəyanatla çıxış etmişdi. "Sovet hakimiyyəti qurulan kimi münaqişələr başladı. Əgər Sovet hakimiyyəti çar Rusiyasının ərazi bölgüsünü dəyişdirməyə başlamasaydı, onda Qarabağda münaqişə olmazdı. 

Jirinovski Qoraçovun “cinayətkar” sayılması ilə bağlı sənəd hazırlayıb

Bu münaqişəni nə Minsk qrupu, nə fransızlar, nə də amerikalılar həll edə bilməyəcək. Problemin həllində son qəti qərarı ancaq Rusiya prezidenti verə bilər". 

Jirinovski hətta daha irəli gedərək Ermənistana və Azərbaycana Rusiya tərkibinə qayıtmağı da məsləhət görüb. O deyib ki, əgər belə olmasa, onlar hələ min il də savaşacaqlar.

Bundan başqa o, Qarabağdakı hadisələrin yeni dünya müharibəsinəsəbəb ola biləcəyini də istisna etmədiyini deyib.