Prezident şəhidlər üçün Quran oxudu - VİDEO

20.05.2016 17:43     Dünyadan reaksiya     883

Ərdoğan şəhidlərin mövluduna qatılıb.

Türkiyə prezidenti Rəcəb Tayyib Ərdoğan Quran oxudu. Dövlət başçısı 2 günlük proqramla ölkənin şərqinə - Rizəyə səfər edib. ANS PRESS-in Türkiyə mətbuatına istinadla verdiyi məlumata görə, Ərdoğan cümə namazından öncə helikopterlə Trabzona, oradan isə Rizəyə gedib.  

Trabzon hava limanında onu gözləyən xalqa xitab edib. Rizə hava limanına helikopteri enər-enməz isə prezident məscidə gedib. 

Çoşğulu qarşılama mərasimindən sonra cümə namazından öncə şəhidləri anma mərasimi keçirilib. Mövludda prezident özü də Qurani Kərimdən bir surə oxuyub. O, avazla Əli-İmran surəsini səsləndirib. 

Ərdoğanın Quran oxumasını dinləmək üçün məscidə yüzlərlə insan gəlib. Onların bəziləri prezidentin avazı qarşısında göz yaşlarını saxlaya bilməyiblər.